HAZAAR ZAKHM BA UNWAN-E-JAAN LIAYE PHIRNA | UROOJ AKHTAR ZAIDI

BAZM-E-ADEEL ZAIDI

HAZAAR ZAKHM BA UNWAN-E-JAAN LIAYE PHIRNA | UROOJ AKHTAR ZAIDI
HAZAAR ZAKHM BA UNWAN-E-JAAN LIAYE PHIRNA
UMEED O BEEM KI IK DAASTAN LIAYE PHIRNA
MUHABBATON KO BARATNA NA AYA, UMR GAI
HAZEEMATON KE DILON MEIN NISHAN LIAYE PHIRNA
GAZAL MEIN BAAT NA DAIR O HARAM KI HO LAIKIN
DILON MEIN DAFTARE HUBBAY BUTAAN LIAYE PHIRNA
WAFOOR E SHAUQ KI NAKAMION MEIN KHUSH HONA
HUJOOM E DARD MEIN DIL SHADMAAN LIAYE PHIRNA
JO RAFTAGAN HAIN KABHI LAUT KER NA AAYENGAY
TUM APNAY SAATH HI YE KAHKASHAN LIAYE PHIRNA
JO GHAR BASAYE THAY LUT PIT KE HO GAYE BARBAAD
TUM APNAY KANDHON PE IK AASHIAN LIAYE PHIRNA
KOI KAHAY ISAY HAM ZINDAGI NAHI KEHTAY!!
ZAEEF KAANDHOON PE BAAR E GARAAN LIAYE PHIRNA
HUSOOL E RIZQ HI MAQSAD NAHI HAI JEENAY KA
DIL O DIMAAGH KO MAT RAIGAAN LIAYE PHIRNA
YE AUR BAAT KE MAHROOMIAN RAHIN HAM GAAAM!
TUM AARZOO KO YUNHI BE KARAAN LIAYE PHIRNA
JUNNON E SHAUQ MEIN SHIDDAT NA HO TU HAI BE SOOD
JUNNON E ISHQ KA TAUQ E GARAAN LIAYE PHIRNA
GUZASHTAGAAN KI WO SUHBAT KAHAN NASEEB UROOJ
UNHEEN KE ZIKR SE DIL SHAADMAAN LIAYE PHIRNA

SELECTIONS OF URDU POETRY FROM AROUND THE WORLD!

MORE AMAZING POETRY WILL BE ADDED SOON!

ENJOY ANOTHER RECITATION FROM BAZM-E-ADEEL ZAIDI