57º Programa Entrelazados [7º - 3T]

Podcast de EntrelazadosRF

Programa Entrelazados Nº 57, programa divulgativo en lingua galega, na canle 93.9 da FM, na RâdioFilispíM, a radio libre e comunitaria da terra de Trasancos. Na locución e coordinación, Xurxo Gago. Neste sétimo programa da temporada tratamos sobre a memoria histórica na entrevista ao catedrático e historiador, Bernardo Máiz, para falar sobre a recente publicación do seu libro sobre Amada García, “Amada García e os seus arredores”. Logo da entrevista escoitamos a canción Foi coma un soño de Antón Seoane, para non esquecérmonos da memoria histórica. Continuamos coa habitual sección de Carmen Sixto O Cantor de Jazz, o tema de hoxe [O Terceiro Home] e pechamos a hora de programa coa sección de Eugenia Sanmartín, Músicas de Brasil e Outras Terras, o tema de hoxe [Aos Vivos de Chico César]. Lembrar que para contactar co programa, tedes as seguintes vías: Email [e-mail], twitter @EntrelazadosRF, e por teléfono 981371040. Para escoitar o programa en directo sintonizade o dial 93.9 da FM ou conectade vía streaming dende o blog opaii.blogspot.com. Ademais convídovos a visitar a web http://agora.gal/podgalego/ onde poderedes escoitar todos os programas emitidos e moitos máis podcast en lingua galega.