))
Sondag 14 Julie 2024 Stephan Briel
Manage episode 428830695 series 2644201
תוכן מסופק על ידי Gereformeerde kerk Bergbron. כל תוכן הפודקאסטים כולל פרקים, גרפיקה ותיאורי פודקאסטים מועלים ומסופקים ישירות על ידי Gereformeerde kerk Bergbron או שותף פלטפורמת הפודקאסט שלהם. אם אתה מאמין שמישהו משתמש ביצירה שלך המוגנת בזכויות יוצרים ללא רשותך, אתה יכול לעקוב אחר התהליך המתואר כאן https://he.player.fm/legal.
Lees: Jer 7:1-15 (AFR83).
Fokus: Jer 7:3-8.
Valse godsdiens bring ‘n valse gerustheid wat bekering verhinder.
Die profeet ontmoet die biddende skare by die tempelpoort met ‘n skokkende boodskap. Die kern van sy onverwagse aanval is gemik teen hulle valse gerustheid. Die kerk en Christene leef alte maklik van so ‘n vanselfsprekende gerustheid. Van waar kom die valse vertroue? Uit die verkeerde gevolgtrekkings wat hulle uit God se verbond en verkiesing maak. Uit hulle slagkrete: “Ons is veilig! Dit is die Here se tempel, dit is die Here se tempel, dit is die Here se tempel!” (Jer 7:4).
Dit is ‘n tyd van krisis, van onheile, maar die volk bekommer hulle nie té veel nie, in elk geval nie nadat hulle weer ‘n slag in die tempel was nie! In die tempel word die gemoedere gekalmeer, vrese besweer en elke moontlike sweempie van ‘n skuldgevoel weggepreek en weggeoffer. Hulle is ‘n godsdienstige volk. Die tempel staan in hulle midde as simbool van God se teenwoordigheid en waarborg van sy beskerming. Hy sal hulle nie in die steek laat nie.
Juis dié valse gerustheid lei tot ‘n uitwendige godsdiens, wat Jeremia in die skerpste taal aanval. Wat God waarlik vra, naamlik gehoorsaamheid, ontbreek geheel en al.
Vir nadenke en gesprek by selgroepe en huisgodsdiens:
- Verduidelik die volk se valse gerustheid.
- Wat is die gevolge van die volk se valse gerustheid?
- Wat word bedoel met “Christelike integriteit”?
283 פרקים
שתפו
